Episodes
Wednesday Jul 26, 2017
Deklarasyon 26 Jiyè 2017
Wednesday Jul 26, 2017
Wednesday Jul 26, 2017
SAKS ak Radyo Kominotè Ayisyen yo mande pou 26 Jiyè, JOUNEN NASYONAL MEDYA KOMINOTÈ
Jodi 26 jiyè a se yon jou espesyal, se fèt premye radyo kominotè ayisyen an. 26 jiyè 1991, tankou kònlanbi te soufle, tanbou te woule nan Bwa Kayiman pou fè tout nèg ak nègès Sen Domeng jwi lalwa bouch yo pou yo viv lib nan yon peyi chèmèt chèmetrès, radyo Bwa Kayiman, premye radyo kominotè popilè ayisyen an, te wè jou nan Mawouj, nan depatman Nòdwès.
26 jiyè 2017 sa, 27 lane apre, mouvman radyo kominotè a blayi nan tout 10 depatman peyi a. Nan plis pase 43 kominote nan mòn ak nan plenn, peyizan desandan esklav mawon Bwa Kayiman yo posede yon zouti kominikasyon chèmèt chèmetrès, ki pèmèt yo demare baboukèt la, kraze lamefyans antre yo, patisipe nan tout deba sou tout kesyon enterè nasyonal pou yon sosyete kote tout ayisyen ap viv nan ladiyite.
Nan okazyon sa, SAKS (Sosyete Animasyon ak Kominikasyon Sosyal) wete chapo l byen ba pou l salye travay tout moun ki te goumen pou louvri brèch sa nan sistèm kominikasyon zonbifikasyon, fòs fènwa te tabli nan epòk sa pou kraze zo yon pèp ki te deklare aba diktati boutdi, pezesouse, viv yon leta nan sèvis tout ayisyen nan yon sosyete san fòskote. SAKS konsidere jou 26 jiyè a yon jou espesyal pou pèp ayisyen an, pou pwosesis demokratik la, pou libète lapawòl ak pou istwa medya kominikasyon ann Ayiti.
Se poutèt sa, SAKS, yon ensititisyon ki pral gen 25 lane nan pwomosyon dwa kominikasyon mete vwa l ak vwa tout radyo kominotè nan peyi a pou fè jou 26 jiyè sa tounen JOUNEN NASYONAL MEDYA KOMINOTÈ ANN AYITI.
Pandan 25 lane, SAKS akonpaye plizyè òganizasyon peyizan pou yo monte epi jere pwòp radyo kominotè yo pou sèvis kominote pa yo. Ak anpil volonte, detèminasyon, klèvwayans ak konpetans, SAKS ak radyo kominotè yo kenbe wout bay verite a, ansanm ak prensip ak metòd kominikasyon popilè a pou epanwisman tout mas defavorize yo, malgre tout atak, tout pikankwenna, tout tantasyon pou retounen ak baboukèt la. Nan kad travay sa, SAKS ak Radyo kominotè yo bay leta lamen pou ede popilasyon ki viktim katastwòf natirèl, epidemi ak lòt maladi, ansanm ak sitwayen ki vle patisipe nan chwa dirijan peyi a ak kolektivite yo. Konsa tou, SAKS ak radyo kominotè yo pote kole ak lòt òganizasyon, enstitisyon sosyal ak imanitè, nasyonal ak entènasyonal pou pote ledikasyon nan mòn ak nan plenn yo pou amelyore pwodiksyon agrikòl, fè faskare ak dezòd ki genyen nan klima a, épi fè dwa tout moun respète, espesyalman moun yo met sou kote, moun y ap eksplwate, moun k ap kwoupi anba lamizè, fanm ak tifi k ap sibi vyolans anndan tankou deyò kay yo.
Tout sa ak anpil lòt bagay ankò montre enpòtans radyo kominotè yo nan peyi a pou leta ak sosyete a adopte 26 jiyè a pou l tounen JOUNEN NASYONAL MEDYA KOMINOTÈ, pou n rive gen yon kominikasyon pou diyite moun ak pou yon sosyete sans fòs kote.
Pòtoprens, 26 jiyè 2017
Wednesday Jul 26, 2017
4 Je Kontre pale Sou Fason Otorite yo vle Rekanpe Lame a
Wednesday Jul 26, 2017
Wednesday Jul 26, 2017
Magazin 4 Je kontre se yon magazin ki analize aktyalite a nan nivo politik, ekonomik sosyal ak kiltirèl nan gade ansanm ki kote nou ye epi ki chimen pou n pran pou n vanse.
Monday Jul 03, 2017
4 Je Kontre pale Sou divès leve kanpe ouvrye nan Faktory yo
Monday Jul 03, 2017
Monday Jul 03, 2017
Magazin 4 Je kontre se yon magazin ki analize aktyalite a nan nivo politik, ekonomik sosyal ak kiltirèl nan gade ansanm ki kote nou ye epi ki chimen pou n pran pou n vanse.